قصة حقيقية ارويها كما سمعتها من احد الشهود
دخلت صالة الجمارك ف مطار القاهرة لاجد امامى رجل صعيدى يناقشه مامور الجمارك:
- معاك حاجة تتجمرك يا حج؟؟؟؟ رد الرجل بجراة وصراحة:
- ايوة معايا فيديون (يقصد الفيديو)
-وريهولنا يا بلدينا
- فتح الرجل الحقيبة وبكل ثقة اخرج جهاز راديو كاسيت جديد ووضعه امام المامور الذى رد ببرود
- بس ده مش فيديو يا حج
ثارت ثائرة الصعيدى واخرج حافظة نقوده العملاقة واخذ يفرد طياتها ويفتشها حتى اخرج فاتورة مطوية وصاح
- مش فيديون كيف امال انا دافع فيه الف ريال ليه ؟؟؟؟
نظرت انا والمامور الى الفاتورة , فعلا الف ريال ومكتوب فيديو من نفس ماركة الكاسيت الذى لا يساوى اكتر من مئتى ريال: الراجل نصبوا عليه وقبل ما اتكلم ظهر الاسى على وجه مامور الجمرك وقال بهدوء:
- طيب يا بلدينا حقك عليا يلاا روح
- مش عاوزين جمرك؟ امال بيجولو الفيديون جمركه غالى كيف ؟ متشكرين
وانطلق الصعيدى فرحا ,خلصت اجراءاتى بسرعة وانا اتبادل الضحك مع المامور على غير المعتاد بسبب بلدينا
وحاولت الحق به لابصره بالحقيقة قبل ان تحدث له فضيحة فى بلدهم لحقته على باب المطار وبعد التودد اليه فاتحته على استحياء:
- بص يا حج انت اتنصب عليك هناك وانت ما معاكش فيديو, نظر الصعيدى اليه نظرة استخفاف تختلف عن نظرة الغباء التى ارتسمت على وجهه امام المامور واجابنى بسخرية:
- معييش فيديو(المرة دى من غير نون) كيف الفيديو ف الشنطة التانية
مين بقى اللى طلع صعيدى؟؟؟؟؟ طلع من الجمرك ومعاه فيديو وكاسيت من غير ما يدفع ولا مليم ....
