love x love 2012

مرحبا بيك زائرنا العزيز فى منتديات حب فى حب اذا كنت زائر ورغبت فى التسجيل اضغط على تسجيل واكمل البيانات واذا كنت مسجل فى المنتدى اضغط على دخول.


تحيــــــــ angel.girl ــــــــــــاتى

قمه التحدي ان تعشق من ليس لك وقمه الحزن ان تبتسم وفي عينك الف دمعه وقمه الالم ان تسكت وفي قلبك جرح يتكلم وقمه الاستغراب ان تنجرح ممن تحب وقمه الحب ان تحب من جرحك وقمه الوفاء ان تنسي جرح من تحب

* الحب جحيم يُطاق . . والحياة بدون حب نعيم لا يطُاق * قد تنمو الصداقة لتصبح حباً ، ولكن الحب لا يتراجع ليصبح صداقة * الحب تجربة حية لا يعانيها إلا من يعيشها * الحب سلطان ولذلك فهو فوق القانون * الحب كالحرب من السهل أن تشعلها . . من الصعب أن تخمدها * الحب هو اللعبة الوحيدة التي يشترك فيها اثنان ويكسبان فيها معاً أو يخسران معاً

    ازاي ممكن تحب!؟

    شاطر
    avatar
    angel.girl
    المديرين
    المديرين

    عدد المساهمات : 198
    نقاط : 471
    تاريخ التسجيل : 21/02/2010
    العمر : 24
    الموقع : http://lovexlove2012.ahlamontada.com

    ازاي ممكن تحب!؟

    مُساهمة من طرف angel.girl في الجمعة مارس 05, 2010 12:47 pm

    الحب عامل زي الفرصة
    لو ملحقتش تستفيد من الفرصة بتروح عليك
    والحب كدة أحيانا بتيجي فرصة تقابلك بحد وحد يقابلك
    ف يأما بتتمسك بالفرصة دي ياأما بتروح عليك
    وساعتها بتندم وتقول لنفسك ..ايه الغباء المستحكم دة , ماكانت قدامي الفرصة !!
    هكذا الحب في هذه الأيام
    ف مرة كنت ركبت اتوبيس م السيدة عايشة وكان رايح مدينة نصر
    ووقفت زي ناس كتيرة ف قلب الاتوبيس
    وكانت قعدة قدامي ف الكرسي ولد وبنت , بس البنت كانت لابسة خمار
    اشبه بالبنات السعوديات لما بييجوا مصر .
    مع مرور الوقت سمعت البنت بتسأل الولد اللي كان قاعد جنبها – لو سمحت حضرتك ؟
    لما ييجي ش.عباس العقاد ممكن تقولي ؟
    الولد قالها بس انا آسف انا نازل قبل كدة بكتير ,
    قمت قولتلها أنا –انا نازل بعديه بشويه اول ماييجي هقول لحضرتك
    قالتلي متشكرة وسكتت
    ونا سكت والوقت عدا ومحطات فاتت لحد لما جت محطة الولد اللي كان قاعد جنبها فقام
    فقمت انا قعدت ..شوية وسألتني هو لسه كتير؟
    قلتلها لأ شوية بس وكنا احنا عند نادي السكة تقريبا ,
    المهم استغربت انها مش عارفه شارع عباس العقاد اللي الدنيا كلها تعرفه , فروحت سألها
    -انتي ازاي مش عارفه عباس العقاد ,دي مصر كلها تعرفه !!
    قالتلي : مش كل الناس لازم تعرف كل الأماكن , وكمان انا اول مرة آجي مدينة نصر أصلا
    استغربت اكتر فقلتلها –ازاي ؟ حضرتك ساكنة فين اساسا ؟
    قالتلي وكنت متوقع هتقولي برة مصر لاقتها بتقولي – انا من الجيزة ؟
    قلتلها من الجيزة ومجتيش مدينة نصر خالص؟
    قالتلي اه والله العظيم دي أول مرة ,انا دراسي كلها وشغلي كانوا كلهم بدأوا وانتهوا ف الجيزة ومخرجتش براها أبدا ,سألتني – حضرتك مستغرب ليه اوي كدة ؟
    قلتلها اصلي كنت متصور ان مبقاش حد بيتوه ف مصر خلاص
    قالتلي لأ فيه لسه ناس
    والكلام جاب بعضه واتعرفت عليها وعرفت طبيعة شغلها ورايحة تعمل ايه ف عباس العقاد
    فقالتلي انها كلية رياض اطفال وشغاله ف الوزارة وطبيعة شغلها بتحتم عليها تعمل تفتيشات علي مراكز وحضانات الاطفال وتدي تقرير عليها وحظها العثر انها خلاها تروح بدل زميلتها المتغيبة عن الشغل .
    كانت متكلمة جدا وواضح عليها الثقافة رغم اني كنت معتقد ان الناس المخمرات ,سوري المختمرات مبيبقوش بهذا القدر من التكلم والعلم والثقافة وكمان فتح الحوار والكلام بهدوء خصوصا لو كانت مع راجل وغريب كمان عليها زيي , قعدت أكلمها شوية عن نفسي وعن طبيعة شغلي ودراستي انا كمان ,لحد أما جت محطة ش عباس العقاد ف طلبت منها تروح ناحية السواق وتنزل محطة شيخ البلد اللي عايزاها وقبل ماتنزل معرفش ليه حسيت انها فعلا شخصية لازم الواحد ميخصرهاش ف فكرت بسرعه وطلعت كارت بتاعي وقولت–دة كارت بتاعي لو حصل وحبيتي تيجي تاني مدينة نصر ومش عارفه الطريق , ممكن تكلميني وتسأليني عليه ونا ادلك ,ف ابتسمت وقولتلها – انا بجد اتشرفت مبعرفتك واتمني متنتهيش لحد كدة ! خدت مني الكارت ونزلت بعد ماقالتلي سلاموا عليكوا ورديت عليها وقولت عليكوا السلام .
    ونزلت
    والاتوبيس مشي وكمل طريقة
    معرفش ليه انا حسيت اني كان المفروض انزل أوصلها مطرح ماهي عايزه ,لأني حسيتها فعلا تايهة جدا لكن لولا انها قالتلي ان زمايلها مستنينها هناك ف دة خلاني اطمن وقالتلي ميرسي لحضرتك علي زوقك .
    الموقف عدا
    وزيه زي أي مواقف ف الدنيا ,
    صدفة تعارف او فرصة تعارف قد يكون منها شيء وقد لا يكون منها شيء لكن المهم انك مش استغليت ولا استفدت من الفرصة دي لكن ع الأقل قدرت تتعامل معاها بشياكة وحضارة وبزوق
    لأنك مش عارف ممكن يكون تعاملك مع الموقف دة هو اللي يخليك يكون ليك مستقبل مع الشخصية دي أو لأ
    لأني طبيعي كلنا اتعرضنا لمواقف من النوع دة , شبهه او غير شببه بس اكيد مواقف كتيرة مشابهه
    فيه اللي قدر يبني من خلالها صداقة تعيش وتستمر طول العمر وفيه اللي معرفتش.
    وقد يتصادف يحصل دة ف الحب ,
    مين عالم الانسان اللي هتحبه هتقابله فين وازاي ؟
    مش مهم هتقابله فين وازاي قد ماالمهم انت هتتصرف مع الموقف دة ازاي ؟
    فهمني؟؟؟
    بنكلم النهاردة عن الناس اللي عندها عيوب ف انها تقدر تتعامل صح مع أي فرصة او صدفة للتعارف ممكن ينتج بعدها قصة حب تنتهي فعلا برتباط طويل .
    فيه ناس فعلا لما تييجي تتعرض للمواقف دي ف مبتعرفش تتصرف فيها ف ترجع وتندم اوي وتقول لنفسها يااااااااااه أنا ضيعت من ايدي فرصة اني اتعرف عليها , دة هي اللي جت وسألتني ونا بكل برود او غباء قولتلها معرفش أو اي حاجة ومستغلتس الفرصة اللي هي اتدهاني اني اتعرف عليها .
    وبرضو .ممكن تحصل معاكي لما حد بيبقا عاوز يتعرف عليكي ونتي حسه انو فعلا عاوز يتعرف عليكي وباين عليه دة وهو حد كويس ورغم كدة اتصرفتي معاه بغباء أو بقلة زوق او سكتي ف هو اتحرج ف مشي والنتيجة انك ممكن تكوني خسرتي فرصة عمرك ف حد بيحبك أو هيحبك .
    لازم تكون نفسك حلوة مع كل الناس ودايما افترض ف الناس انهم حد كويس إلي ان يثبت لك العكس ,
    مش الولاد عاوزين يتسلوا بالبنات ومش البنات سمعتهم وحشة ,
    فيه ناس محترمة وكويسة وولاد ناس
    لو اتصرفنا علي هذا الأساس بجد هيحصلكوا زي ماحصل معايا بالظبط مع البنت المختمرة دي .
    اعزروني انا مش هقول علي اسمها احترامها وتقديرا لشخصها الطيب والكريم .
    اكيد هتسألوني , انت ليه مكملتش الحكاية بتاعتها وحصل ايه بعد كدة ؟
    ياتري حصلت مواقف بنكوا تاني؟ ولا انتهي الموضوع لحد كدة ؟
    انا عارف فضول بقا لناس كتير
    احب اطمنكوا يا جماعة
    هي فعلا كلمتني
    وتصلت بحجة انها تشكرني علي اللي عملته
    وطبعا انا عن نفسي كنت متوقع المكالمة دي منها , الواحد بخبرته ف الحياة بيحس ويشوف ويقدر يترجم اللي قدامه , وتوقعت كمان انها تكلمني من موبايلها عشان أخد الرقم وفعلا دة اللي حصل
    وتوقعتها كمان ف نفس اليوم اللي اتقابلنا فيه لأنه بيبقا ف حموتها زي مابيقولوا وفعلا دة برضو اللي حصل , ونا كنت سعيد بصداقتها لأنها حد فعلا متوازن مع نفسه ومع الآخرين
    ومدام اتعاملت بطريقتي وهي أحسن الظن بالناس إلي أن يثبت العكس ف دة خلاني أرتاح اكتر ف الفترة اللي عرفتها فيها .
    هي زيها زي أي بنت ف الدنيا , لما تحس انها بتكلم مع راجل محترم ومثقف أكيد بتتمني ودة تمني مشروع انا بشجعه لكل بنت انها تحاول تفتح الباب لمجال حب وارتباط
    بس شرط انه يكون ف النور

    Idea Idea Idea Idea Idea Idea Idea

      الوقت/التاريخ الآن هو الخميس ديسمبر 13, 2018 12:03 pm