ليه بقا كل واحد قافل علي نفسه جوة البيت ؟؟

مبقاش غريب أنك تلقي نفسك فاتح صفحة نت
و أول ماحد يدخل عليك تقوم تنزلها او تقفلها
عشان ميشوفش انت بيعمل ايه ؟
ومش بقا غريب انك تسكت عن الكلام ونت ماسك التليفون اول ماحد يعدي من جنبك
او يقف جنبك بالصدفة ونتي بتكلمي
ف تقول للي معاك ع التليفون ..لحظة واحدة معايا ؟
وتستني لحد أما الشخص دة يمشي أو يعدي عشان محدش يعرف انت بتكلم مين أو بتقول ايه
حتي ولو كان مجرد كلام عادي
دة بقا عادي دلوقتي
بقت حاجة بيسموها انها نوع من الخصوصية
مش من حق حد يعرفها أو يسمعها او يشوفها
ونا بحترم دة جدا
بس خصوصية مع الغريب ماشي
مع حد متعرفوش ولا يعرفك وصادفت كان جنبك ف المواصلات او قاعد جنبك ف مترو ماشي
مع الصاحب أو الزميل ليك ف المكتب برضو ماشي لأنك بتكلم ف حاجة شخصية
لكن مش شايفها انها غريبه اوي انك تكون مع أقرب الناس اليك
مع باباك
أو مامتك
او حد من أخواتك
ياتري دي برضو خصوصية !!!!؟ انك تبقي مخبي عليهم
كنت بشوف بنات كتير لما بتكلم معاهم سواء ع النت أو ع التليفون
أنهم بيدخلوا ع النت من ورا أهلهم أو يعملوا التليفون سايلنت عشان لما تجلهم مكالمة تقوم ترد ومحدش يعرف هي بتكلم مين .. ونا عارف ان معظم البنات عاملين كدة
بالخصوص ف الوقت اللي موجود فيه بابا أو اخوك الكبير
اللي رافض طبعا موضوع النت دة او موضوع كلام الموبايلات الكتير
لكن هي بتدخل ع النت من ورا بابا طبعا وهو مش موجود , أو لما تيجي وتكلم ع موبايل تلاقاها بتكلمك علي أنك بنت !!؟ ونت بتقبل دة ..راجل وهي بتكلمك علي أنك بنت وأنت راضي بده ..دة طبعا قمة الحب بس دة مش موضوعنا ..
انا أي بنت بحس انها بتخبي حاجة علي أهلها أو تكلمني بصيغة بنت كنت بقفل معاها علي طول حتي ولو كنا أصحاب
لأن اللي اتعود يكدب علي أهله سهل عليه أوي يكدب ع الناس كلها ..
اما الشخصية الواضحة أهلها عارفين عنها كل حاجة واللي مش بيقبلوا انها تعمله متعملهوش حتي ولو كان دة من وراهم .
بعيدا عن الموضوع دة نرجع لمسألة الخصوصية دي وسأل ؟
هو ليه بقت فيه خصوصية مابين الأبن ومابين أهله أبوه وأمه !؟
ليه بقت فيه خصوصية مابين البنت وأمها أو مابينها وبين باباها !!؟
انتوا شايفين ان ددة احترام للأب انها تعمل الحاجات دي من وراه
انوا يدخل عليها يسمعها بتكلم بنت زيها وهي بتطلع بتكلم حبيبها !! او مامتك تدخل عليك تلاقيك ماسك التليفون وعمال تحب ف بنت وأول ماتشوفها تكلم علي أنه واحد صحبك !!؟
ياتري دة ليه مبررات عندك أو عندك أنتي !؟
لما تيجي قدام بابا تقفلي الكمبيوتر عشان ميشوفكيش داخله ع النت زي ماهو بيقول , ميشوفكيش بتكلمي ف موبايل طول النهار والليل ,ياتري دة انتي كدة بتخافي علي مشاعره ؟ انت كدة بتحترمه وتسمع كلامه !!؟
ياتري دة صح ؟ حتي ولو كنت مختلف مع باباك او مامتك ف موضوع دة تعمله من وراهم ؟
حتي ولو مكنتش بتعمل حاجة غلط لا ع النت ولا ع التليفون ولا حتي لما يسألك كنت مع مين برة وتكدب عليه
ياتري انك تخبي كل حاجة بتحصل ف حياتك عن أهلك دي يتقال عليها خصوصية ؟ وياتري فيه خصوصية ف البيت ؟